Xabat Lertxundiren musika Ubedako Naziorteko jaialdiko finalean sartu da

Hitzan publikatua

Bost dira, benetako ekintza duten film laburren mailan, Jerry Goldsmith sariketako finalera sartu diren konpositoreak. Eta horien artean dago Xabat Lertxundi (1983, Berriatua).
Heriotzagaz jolasean filmerako egindako musika da, hain zuzen be, Ubedan (Espainia) egiten den Zinemarako Musikaren Nazioarteko Jaialdiko ateak zabaldu dizkiona. Eta jaialdi horren baitan banatzen dira, zinemarako konpositore handienetako baten izena daramaten sariak. Irabazleen izenak, uztailaren 22an, jaialdian bertan, emongo dituzte jakitera.
Lertxundigaz batera ondokoak dira kategori berean dauden finalistak: Enrica Sciandrone Big Ben beharrerako musikagatik (Erresuma Batua); Joseba Beristain, Gartzela (Azkotia, Euskal Herria); Ehud Freedman, The Man who Knew How to Fly (EEBB) eta John Koutselinis The Rocket Boy (Erresuma Batua).
Ordenagailua eta instrumentuak
Paul Urkijo arabarrak zuzendu du Xabat Lertxundik musikatutako film laburra. Bertan kontatzen den istorioa ondoko da: adineko gizonezko batek heriotzaren bisita jasotzen du. Baina agureak heriotzaren beharra zaila eta istripuz betea izatea eragingo du.
Istorio horri musika jartzeko orduan ordenagailua erabili du gehinbatean berriatuarrak: «Konsposiziorako zein grabaketarako ordenagailuaz eta samplerrez baliatu naiz. Orkesta sinfoniko oso bat eta koro baten atal bat itxuratzen saiatu naiz», azaldu du Lertxundik jaialdirako egindako adierazpenetan.
Salbuespen bakarra Azken hatsa izena duen piezan eskaini du. Pieza hori biolin bakar batez interpretatua dago. «Nika Bitchiashvili biolinjoleak gorpuztu du. Horretaz gain, nik neuk be ukituren bat emon diot biolinagaz, txistuagaz eta perkusiozko zenbait instrumenturekin».

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s